பிரபலமான இடுகைகள்

திங்கள், 18 பிப்ரவரி, 2013

சர்நேம் ( surname ) ஏமி ?

ஹைதராபாத் Croma showroom சென்றேன், மடிக்கணினிக்கு இணைப்பு சரடு வாங்கினேன்.

பணம் செலுத்துமிடம் வந்தேன். காசாளர் தொகையை சொன்னார், கொடுத்தேன்.

கணினியை தட்டியபடியே கேட்டார், " பேரு செப்பண்டி ? "

" சிவசங்கர் " என்றேன்.

" சர்நேம் ( surname ) ஏமி ? " 

( சர்நேம் - சாதி பெயர், ஆந்திராவில் எல்லோருடைய பெயருக்கும் பின்னால் கண்டிப்பாக சாதி பெயர் இருக்கும் )

" சர்நேம் லேது "

" எந்த ஊர் ?"

" தமிழ்நாடு "

" அங்க யாருக்கும் சர்நேம் கிடையாதா ? " என்று கேட்டார்.

" மிகக் குறைந்த பேருக்கு உண்டு "

" அப்போ உங்களுக்கு கிடையாதா ? "

" உண்டு. பெரியார் "

புரியாமல் பார்த்தார்...