பிரபலமான இடுகைகள்

திங்கள், 4 நவம்பர், 2013

அப்போ விட்ட டிரெயின இப்போ தான்...

“நேர்முக பேட்டி தொலைவிலிருந்து !”

“ 1991ஆம் ஆண்டு தேர்தல் முடிவுகள் வெளியாகின்ற வேளை. நிபுணர் பிரணாய்ராய் டெல்லியில் தொலைக்காட்சியின் அரங்கத்தில் அமர்ந்துக் கொண்டு சென்னை, பம்பாய், கல்கத்தாவில் இருந்த தலைவர்களுடன் தொலைக்காட்சி மூலம் நேர்முகமாக பேட்டி கண்டு தொலைக்காட்சியில் நேரடியாக ஒளிபரப்பாகியது. அதுவே தொலைக்காட்சி கருத்தரங்கு.

இத்தகைய விதத்தில் இது தொலைக்காட்சி தொழிலின் வளர்ச்சிக்கு உதவுகிறது. தொலைக்காட்சியோ உற்பத்தியாகும் பொருட்களின் விளம்பரத்திற்கு பெரிதும் உதவுகிறது. உபயோகிப்பாளர் மார்க்கெட்டை நிர்ணயிப்பதே TV தான்.”

என்ன இது பழையக் கதை எல்லாம் இப்போன்னு பார்க்கிறீங்களா ? பழையக் கதை தான்....

தீபாவளியன்னைக்கு பொழுது போகாம பழைய பைலை புரட்டிக்கிட்டு இருந்தேன். அப்போ ஒரு பேப்பர் கட்டிங் கிடைச்சிது. 1993-ல் தினகரன் பத்திரிக்கை ஒரு கட்டுரைப் போட்டி வச்சிருந்தாங்க. அதுல நானும் பங்கேற்றேன்.

“தொழில் வளர்ச்சியில் நவீன தகவல் தொடர்பு சாதனங்களின் பங்கு என்ன ?” என்றத் தலைப்பில் நான் எழுதிய கட்டுரை பரிசு பெற்றிருக்கிறது. 28.10.1993 அன்று பத்திரிக்கையில் பிரசுரமாகியிருக்கிறது.

அப்புறம் இந்த வேலைக்கே போகல....

அப்போ விட்ட டிரெயின இப்போ தான் பிடிச்சிருக்கேன், நக்கீரன்ல வந்த சட்டமன்ற விமர்சனக் கட்டுரை மூலமாக.... அதுக்கான தளம் முகநூல் தான்.

# அப்பவே....