பிரபலமான இடுகைகள்

செவ்வாய், 28 ஆகஸ்ட், 2012

அன்பில் பொய்யாமொழி - தளபதியின் நிழல்

அண்ணன் அன்பில் பொய்யாமொழி நினைவு நாள் ( 28.08.2012).

நமது தளபதி அவர்களின் உற்ற நண்பர். இறக்கும் வரை அவரது உடன் இருந்து கழகப் பணியாற்றியவர். அவரது மனசாட்சியாக செயல்பட்டவர்.. இளைஞர் அணி துவக்கப்பட்ட நாள் முதல் அதன் வளர்ச்சிக்காக உழைத்தவர்.

என்னை போன்றவர
்களுக்கு மனங்கவர்ந்த அண்ணன். இளைய சமுதாயத்தை தளபதி பின் அணிவகுக்க செய்யவேண்டும் என அயராது பாடுபட்டவர். 



இரண்டு முறை சட்டமன்ற உறுப்பினராக, இளைஞரணியின் பல்வேறு மட்ட பொறுப்புகளில் பணியாற்றியவராக, தளபதி அவர்களுடனே பயணிக்கிறவராக இருந்தவர். ஆனால் அதன் தாக்கம் சிறிதும் இல்லாமல், எளிமையாக பழகக் கூடியவர்.



அனைவரையும் பெயர் சொல்லி அழைத்து, தோளிலே கைப்போட்டு அணைத்து அன்பை வெளிப்படுத்தக் கூடியவர். உதவி என்று செல்பவர்களுக்கு தயங்காமல் உதவக்கூடியவர்.

ஒரு தலைவரோடு இருக்கக்கூடிய இரண்டாம் நிலைத் தலைவர்கள் எப்படி இருக்க வேண்டும் என்பதற்கு உதாரணமானவர். 


யார் தளபதி அவர்களை சந்திக்க வந்தாலும், பெயர் சொல்லி அறிமுகப்படுத்துவார், ஏற்கனவே அறிமுகமானவர்களாக இருந்தாலும். காரணம் தளபதி அவர்களுக்கு இருக்கக்கூடிய வேலைப்பளுவில் மறந்திருந்தாலும், அவர்கள் விடுபட்டு போய்விடக்கூடாது எனபதற்காக.( இதில் எனக்கே நேரடி அனுபவம் உண்டு.)

யாரையவது தளபதி அவர்கள் கண்டிக்க வேண்டிய சூழல் ஏற்பட்டால், பிறகு அவர்களை அழைத்து பேசி சமாதானப்படுத்திவிடுவார். இளைஞர் அணியில் ஏற்படும் சிறு பிரச்சினைகளையும் தீர்த்துவைத்து, தளபதி அவரகளின் சிந்தனைக்கேற்ப செயல்பட்டவர்.
இளம் வயதில் அவரது மறைவு இளைஞரணிக்கும், தளபதி அவர்களுக்கும் மிகப்பெரிய இழப்பு.


# என்றும் எங்கள் நினைவில்.... நீங்கள் !